Երկու պատգամավոր լուրջ վնասվածքներ է ստացել Թուրքիայի խորհրդարանում սահմանադրական բարեփոխումների քննարկման ընթացքում ծագած վիճաբանության ընթացքում:
Ինչպես հաղորդել է Hurriyet-ը, ծեծկռտուքը տեղի է ունեցել սահմանադրական փոփոխությունների կողմնակիցների և հակառակորդների միջև այն բանից հետո, երբ անկախ պատգամավոր Այլին Նազլիյական իրեն ձեռնաշղթաներով ամրացրել է ամբիոնին` բողոքելով օրինագծի դեմ:
Իշխող «Արդարություն և զարգացում» կուսակցությունից պատգամավորները փորձել են նրան ամբիոնից հեռացնել, որից հետո նրան պաշտպանելու են նետվել ընդդիմության պատգամավորները:
Ծեծկռտուքի ընթացքում վնասվածքներ են ստացել «Արդարություն և զարգացում» և քրդամետ Ժողովուրդների դեմոկրատական կուսակցություններից պատգամավորներ: Երկու կանանց դահլիճից դուրս են բերել պատգարակներով:
