Apple ընկերությունը սեպտեմբերի 16-ին պաշտոնապես վաճառքի է հանել իր նոր արտադրանքը, ի թիվս որոնց՝ iPhone 7-ը և Watch Series 2-ը: Շուրջ 3 տասնյակ երկրներ այսօր հնարավորություն են ստացել ձեռք բերելու «խնձորի» արտադրողի նոր հեռախոսները:
Վաճառքի մեկնարկը և Ավստրալիայում Apple Store առաջին գնորդներին ցուցադրող տեսանյութը հրապարակվել է համացանցում:
iPhone 7-ի պաշտոնական վաճառքը մեկնարկել է ԱՄՆ-ում, Մեծ Բրիտանիայում, Ավստրալիայում, Չինաստանում, Ֆրանսիայում, Գերմանիայում, Կանադայում, Հոնկոնգում, Ճապոնիայում, Սինգապուրում և այլն:
Նշենք, որ iPhone 7-ը արտադրողականությամբ բոլոր մրցակիցներից առաջ է անցել՝ հաղորդում է Korrespondent-ը:
