Հայաստանում պարզեցրել են ԵՏՄ ապրանքների վերաարտահանումը։ Այս մասին համապատասխան որոշումն ընդունվել է փետրվարի 18-ին կայացած Կառավարության նիստում։
Ինչպես նիստում նշեց ՀՀ ֆինանսների նախարար Գագիկ Խաչատրյանը, ոչ ԵՏՄ անդամ երկրներից ներմուծված ապրանքների համար, որոնք ավելի ուշ արտահանվում են ԵՏՄ երկրներ, փաստաթղթերը հնարավոր կլինի ներկայացնել մաքսային ծառայություններին նախքան տարանցումը ձեւակերպելը։ Այդպիսով՝ ԵՏՄ երկրներում ապրանքների վերաարտահանման ձեւակերպումը կպարզեցվի։
