Ֆրանսիայի նախագահ Ֆրանսուա Օլանդը հայտարարել է, որ Թուրքիայի և Ռուսաստանի միջև պատերազմի վտանգ է առկա, և ամեն ինչ պետք է անել՝ դրանից խուսափելու համար, հաղորդում է Reuters-ը:
«Թուրքիայի և Ռուսաստանի միջև, լարվածություն կա և պատերազմի վտանգ»,- ասել է Ֆրանսիայի նախագահը:
Հիշեցնենք, որ թուրք-սիրիական սահմանին իրավիճակը վերջին օրերին սրվել է: Թուրքիան իր տարածքից սկսել է ռմբակոծել Սիրիայում քրդական դիրքերը:
Տեղեկություններ են շրջանառվում նաև, որ Թուրքիան կարող է Սիրիայում ցամաքային գործողություն սկսել:
