ԱՄՆ-ի նախագահ Բարաք Օբաման իր խորին անհանգստությունն է արտահայտել, որ պաշտոնական Դամասկոսը «շարունակում է խոչընդոտել» մարդասիրական օգնության տրամադրումը: Այս մասին նշված է Սպիտակ տան տարածած հաղորդագրության մեջ:
«Նախագահն իր խորին անհանգստությունն է արտահայտել, որ չնայած ամբողջ երկրում բռնության նվազմանը, (նախագահ Բաշար Ասադի) սիրիական վարչակարգը շարունակում է խոչընդոտել անհրաժեշտ մարդասիրական օգնության տրամադրումը»,- նշվում է փաստաթղթում:
Օբաման նաև ընդգծել է, որ «Ռուսաստանի հետ համաձայնության մեջ ԱՄՆ-ն չի անցնի հաջորդ քայլին», մինչև յոթ օրվա ընթացքում չնվազի բռնության մակարդակը և չապահովվի բնակիչների մշտական հասանելիությունը մարդասիրական օգնությանը:
