ԱՄՆ-ի նախագահ Բարաք Օբաման Ճապոնիայի վարչապետ Սինձո Աբեի հետ հեռախոսազրույցում կոչ է արել չմեկնել Ռուսաստան: Երկու երկրի առաջնորդների հեռախոսազրույցը տեղի է ունեցել փետրվարի 9-ին, տեղեկացնում է Reuters-ը` վկայակոչելով Kyodo News-ին:
Նշվում է, որ ամերիկացի առաջնորդը Աբեին առաջարկել է Ռուսաստան այցելել «Մեծ յոթնյակի» գագաթնաժողովից հետո, որը տեղի կունենա Ճապոնիայում` մայիսի վերջին: Ճապոնիայի վարչապետը չի համաձայնել ԱՄՆ-ի նախագահի ասածին, եւ բանավեճն անարդյունք է ավարտվել: Միաժամանակ Աբեն նշել է, որ Մոսկվային եւ Տոկիոյին անհրաժեշտ է համատեղ շատ հարցեր լուծել:
Ենթադրվում է, որ ինչպես հաղորդում է РСН-ը, Աբեի ոչ պաշտոնական այցը Ռուսաստան տեղի կունենա 2016-ի մայիսին: Ակնկալվում է, որ վարչապետը Ռուսաստանի նախագահ Վլադիմիր Պուտինին կհանդիպի Սոչիում` եվրոպական երկրներ ուղեւորությունից հետո:
