ԱՄՆ նախագահ Բարաք Օբաման Սպիտակ տուն է հրավիրել 14-ամյա Ահմեդ Մուհամադին, որի պայուսակում հայտնաբերված իր իսկ ձեռքով հավաքված ժամացույցի պատճառով ուսուցիչը ոստիկան էր կանչել:
Դրա մասին Օբաման Twitter-ի իր էջում գրել է. «Գերազանց ժամացույց է, Ահմեդ: Ցանկանու՞մ ես դրանք Սպիտակ տուն բերել: Մենք պետք է ոգևորենք նման երեխաներին, որ գիտությամբ զբաղվեն: Սա այն է, ինչ Ամերիկան հզոր է դարձնում», — գրել է Օբաման:
Ահմեդին իր աջակցությունն է հայտնել նաև Facebook-ի հիմնադիր Մարկ Ցուկերբերգը:
