Անգլիական «Նյուքասլի» գլխավոր մարզիչ Ալան Փարդյուն հաղորդել է, որ թիմի կիսապաշտպան Խոնաս Գուտյերեսը կարող է հիմնական կազմ վերադառնալ: Այս մասին հաղորդում է Daily Mail-ը:
Քիմիաթերապիայի կուրս անցած և քաղցկեղից բուժված խաղացողը դեկտեմբերի 22-ին վերսկսել է մարզումները:
Հիշեցնենք, որ Գուտյերեսը «Նյուքասլի» կազմում հանդես է գալիս 2008թ.-ի ամառվանից: Այս տարվա սեպտեմբերին նրա մոտ ուռուցքային հիվանդություն էր ախտորոշվել: Նա Արգենտինայի հավաքականի կազմում 22 հանդիպում է անցկացրել:
«Չեմ կարծում, որ նա կվերադառնա սուրբծննդյան շրջանում, սակայն հունվարի վերջին կամ փետրվարին մենք կքննարկենք այդ հարցը», — նշե է Փարդյուն:
