The Financial Times հեղինակավոր պարբերականը Wealth-X խորհրդատվական գործակալության և UBS բանկի հետ միասին անցկացրել է հետազոտություն՝ պարզելու, թե որ քաղաքում են ամենաշատ դոլարային միլիարդատերերը։
Պարզվել է, որ այս ցուցանիշով առաջատարը Նյու Յորքն է, որտեղ ապրում է 103 դոլարային միլիարդատեր։ Երկրորդ տեղում Մոսկվան է՝ 85 միլիարդատերով։ Նրանց հաջորդում են Հոնգ Կոնգը (82), Լոնդոնը (72) և Պեկինը (37)։ 2013 թվականի համեմատ դոլարային միլիարդատերերի թիվը հասել է 2.3 հազարի, դրանց թիվն առավել շատ աճել է Ասիա մայրցամաքում։
Հետազոտության մեջ ասվում է, որ բոլոր միլիարդատերերի ձեռքում գտնվում է համաշխարհային հարստության 4 տոկոսը։
