Մովսես Հակոբյանի՝ նոր պաշտոնում նշանակումը առավելապես կապված է Սեյրան Օհանյանի հետ: Նման կարծիք Araratnews.am-ի հետ զրույցում հայտնեց «Միջազգային և անվտանգության հարցերի հայկական ինստիտուտի» հիմնադիր նախագահ, քաղաքական վերլուծաբան Ստյոպա Սաֆարյանը:
«Սեյրան Օհանյանին, ըստ էության, պատրաստվում են փոխարինել Մովսես Հակոբյանով: Սեյրան Օհանյանն էլ, հնարավոր է, հետագայում ստանձնի «Հանրապետական կուսակցության» առաջնորդի դերը կամ վարչապետի պաշտոնը: Ամեն դեպքում, ժամանակը ցույց կտա, թե ինչպես կտեղաբաշխվեն բոլոր այդ պաշտոնները: Մի բան հստակ է՝ նրանք հիմա գտնվում են նախնական թեստավորման փուլում: Այդ փուլից հետո էլ ամեն ինչ կորոշվի»,- ասաց նա:
Հիշեցնենք, որ երեկ հայտնի դարձավ, ոՍերժ Սարգսյանը հրամանագիր է ստորագրել գեներալ-լեյտենանտ Լյովա Մնացականյանին Հայաստանի Հանրապետության զինված ուժերի գլխավոր շտաբի պետի տեղակալի պաշտոնից ազատելու մասին: Նախագահի մեկ այլ հրամանագրի համաձայն` գեներալ-լեյտենանտ Մովսես Հակոբյանը նշանակվել է Հայաստանի Հանրապետության Զինված ուժերի Գլխավոր շտաբի պետի տեղակալ:
Լուսանկարը՝ Ֆոտլուրի
