ՀՀ արտակարգ իրավիճակների նախարարության «911» ծառայությունը մայիսի 5-ին, ժամը 11:34-ին ահազանգ է ստացել, որ Երևան քաղաքում Նորք- Մարաշ վարչական շրջանի 5-րդ փողոցի 91-րդ հասցեում գտնվող թիվ 123 մանկապարտեզի և 7-րդ փողոցի տներից մեկի պատը փլուզվել է. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Պարզվել է, որ թիվ 123 մանկապարտեզի և Նորք-Մարաշ 7-րդ փողոցում գտնվող տան (սեփականատեր՝ Կ.Ղ.) բաժանարար ցանկապատը (5 քմ) մասամբ փլուզվել է՝ մոտ 3 քմ։
Փրկարարները սահմանազատել են տարածքը։
