Թուրքիայի Դիարբեքիր և Բինգյոլ քաղաքները միմյանց կապող մայրուղու վրա ռազմական ավտոշարասյան վրա իրականացված հարձակման հետևանքով 7 մարդ է զոհվել, կան վիրավորներ, հաղորդում է Reuters-ը:
Նշվում է, որ պայթյունն իրականացվել է հեռակառավարվող ռումբի գործարկման միջոցով:
Հիշեցնենք, որ փետրվարի 17-ին հզոր պայթյուն է որոտացել Անկարայի կենտրոնական թաղամասում` զինվորական հանրակացարանի մոտակայքում:
Հարձակման զոհերի թիվը հասել է 28-ի, ևս 61-ը՝ վիրավոր են:
