Խորհրդարանի այսօրվա նիստին ԱԺ պատգամավոր Նիկոլ Փաշինյանը, դիմելով ՀՀ գյուղատնտեսության նախարար Սերգո Կարապետյանին, առաջարկեց վերանայել Կառավարության` հունվարի սկզբին հայտարարված 12 օր ոչ աշխատանքային հայտարարելու մասին որոշումը:
«Վերջին օրերին հատկապես ֆինանսատնտեսական ու ապրանքային շուկայում վայրիվերումների ֆոնին առավել անհասկանալի է դառնում Կառավարության որոշումը` 12 օր ոչ աշխատանքային հայտարարելու մասին: Վախենամ, որ 12 օր ոչ աշխատանքային անցկացնելուց հետո պարզվի, որ առանց այն էլ անվերահսկելի իրավիճակն ընդհանրապես դուրս է եկել վերահսկաողությունից»,- նշեց նա:
Փաշինյանն առաջարկեց, որ Կառավարությունը վերանայի իր որոշումը:
«Կարծում եմ` տրամաբանական կլինի, որ առավելագույնը հունվարի 1, 2-ը և 6, 7-ը լինեն ոչ աշխատանքային օր, որպեսզի մարդիկ գոնե որոշակի օպերատիվ տեղեկություններ ստանալու հնարավորություն ունենան»,- ընդգծեց Փաշինյանը:
