Հայտնի ամերիկյան Nike ընկերությունը խզել է ֆիլիպինցի բռնցքամարտիկ Մեննի Պակյաոյի հետ պայմանագիրը, վերջինիս` նույնասեռականների մասին խոսքերի պատճառով, հաղորդում է LifeNews-ը:
Պայմանագրի խզման պատճառ է դարձել այն, որ բռնցքամարտիկը նույնասեռականներին հրապարակայնորեն կենդանիների հետ է համեմատել:
«Դուք տեսե՞լ եք, որ ինչ-որ կենդանատեսակի որձերը սեռական կապի մեջ մտնեն այլ որձերի հետ, իսկ էգերը` էգերի: Այս հարցում կենդանիները մարդկանցից լավն են. նրանք գիտեն` ինչպես տարբերակել էգերին որձերից»,- ասել է Պակյաոն:
Այս հայտարարությունը Nike-ի ներկայացուցիչներն անընդունելի են որակել և խզել են բռնցքամարտիկի հետ 2006 թվականից գործող պայմանագիրը:
Նշվում է նաև, որ Պակյաոն հետո ներողություն է խնդրել:
