«Բարսելոնայի» բրազիլացի հարձակվող Նեյմարը հստակ որոշել է մնալ ակումբում, տեղեկացնում է Sport.es-ը:
Բրազիլիայի հավաքականի ավագը ցանկանում է վերջ տալ տարատեսակ շահարկումներին ու իր գործակալին խնդրել է չդիտարկել այլ ակումբներից ստացված առաջարկները: 24-ամյա ֆուտբոլիստը նշել է, որ իրեն լավ է զգում «Բարսելոնայում» և որևէ այլ ակումբ տեղափոխվելու պատճառ չունի:
Նշվում է, որ Նեյմարը պայմանագրի երկարաձգման շուրջ համաձայնության է եկել ակումբի ղեկավարության հետ , սակայն դրա մասին դեռ պաշտոնապես չի հաղորդվում:
