Նեթանյահուն և արաբները հաղթում են Իսրայելի խորհրդարանական ընտրություններում

Արդեն տեղեկացրել ենք, որ երեկ Իսրայելում կայացել են արտահերթ խորհրդարանական ընտրություններ։

Քվեաթերթիկների 99 տոկոսի մշակման արդյունքում հայտնի է դարձել, որ իշխող «Լիկուդ» կուսակցությունը վստահ հաղթանակ է տոնում այս ընտրություններում։ Վարչապետ Բենյամին Նեթանյահուի կուսակցությունը կստանա խորհրդարանի 120 տեղերից 30-ը։ Սակայն սա թույլ չի տա նրան միայնակ ձևավորել կառավարություն և շուտով կոալիցիա ձևավորելու բանակցություններ կսկսվեն։

Երկրորդ տեղը զբաղեցրել է «Սիոնիստական ճամբար» ձախ կենտրոնամետ կուսակցութոյւնը, որը կունենա 24 մանդատ։ Առաջին անգամ Իսրայելի արաբական բնակչության շահերը ներկայացնող արաբական միացյալ ցուցակը կստանա 14 տեղ։