Սաուդյան Արաբիայի իշխանությունները գործարք են առաջարկել Ռուսաստանի նախագահին։ Այս մասին գրում է ամերիկյան The New York Times-ը։
Սաուդցիները պատրաստակամություն են հայտնել նվազեցնել նավթի արդյունահանման ծավալներն ու նպաստել նավթի գների աճին, իսկ դրա դիմաց Ռուսաստանից պահանջել են դադարեցնել Սիրիայի նախագահ Բաշար Ալ-Ասադին աջակցությունը։
Ըստ պարբերականի՝ ռուս-սաուդական գաղտնի բանակցությունները արդեն ընթանում են մի քանի ամիս, սակայն դրանք էական արդյունք չեն ունեցել։
Տեղեկացնենք, որ վերջին օրերին նավթի գներն անշեղորեն աճում են։
