ՆԱՏՕ-յի գլխավոր քարտուղար Յենս Սթոլթենբերգը հայտարարել է, որ չի հավատում Ռուսաստանի այն բացատրություններին, թե իբր ռուսական օդանավերը սխալմամբ են հատել Թուրքիայի օդային սահմանը, հաղորդում է Reuters-ը:
Սթոլթենբերգը նշում է, որ արդեն երկրորդ դեպքն է գրանցվել և որ դրանք վայրկյաններ չեն տևել:
«Շարժառիթների վերաբերյալ ենթադրություններ չեմ անի, բայց այս ամենը պատահականության նման չէ»,- ասել է Սթոլթենբերգը:
Վերջինիս խոսքով` ՆԱՏՕ-ն ոչ մի լուրջ բացատրություն միջադեպերի վերաբերյալ չի ստացել:
