ՆԱՏՕ-ն ըստ էության չի համարվում եվրոպական կառույց, այն ամբողջությամբ կախված է Միացյալ Նահանգներից: Այս մասին գերմանական Frankfurter Allgemeine Zeitung թերթի հաղորդմամբ՝ հայտարարել է Ֆինլանդիայի նախագահ Սաուլի Նինիստյոն. փոխանցում է TASS-ը:
«Ես չեմ ուզում ՆԱՏՕ-ի դեմ որևէ խոսք ասել, բայց եթե նույնիսկ ԱՄՆ-ի նախագահ Դոնալդ Թրամփը մեղմացնի դաշինքի հասցեին իր քննադատությունը, այն չի համարվում եվրոպական կազմակերպություն: ՆԱՏՕ-ն ամբողջությամբ կախված է Ամերիկայից»,- ասել է Նինիստյոն:
Երկրի ղեկավարը նշել է, որ ԵՄ-ը պետք է ապահովի իր անդամ երկրների քաղաքացիների անվտանգությունը: