Մենք նախարարությունում առաջին անգամ ստեղծեցինք կառուցապատման ներդրումային ծրագրերի վարչություն, և ամբողջ Հայաստնում գտել ենք այն հատվածները, որ զարգացնենք և որոնք հետաքրքիր կլինեն ներդրողների համար:
Այսօր այս մասին լրագրողների հետ տարեվերջյան ասուլիսին ասաց ՀՀ Քաղաքաշինության նախարար Նարեկ Սարգսյանը:
«Քաղաքաշինության նախարարությունը կհասնի տասնյակների հասնող ներդրումային ծրագրերի: Տվյալ տարածքների զարգացման բոլոր չափորոշիներըˋ գույքագրում, չափագրում, արվել է: Նախարարությունը առաջին անգամ է վերցնում նաև կառուցապատման և պետության գերակա շահերից տուժած բազմաթիվ բնակիչներին խնդիրների աջակացումը: Խոսքը վերաբերում է Երևանում Կոնդի բնակիչների, Ֆիրդուսի, Եկմալյան փողոցի բնակիչների օգնելուն: Այս ուղղությամբ զգալի աշխատանքներ ենք արել, լուծումներ ենք գտել»,-ասաց Սարգսյանը:
Նա նշեց, որ Կոնդի խնդիրները կլուծվեն կիսակառույց շենքի շինարարության աշխատանքները սկսելով և վերջացնելով 2016-ի կեսին: Իսկ Ֆիրդուսի բնակիչների խնդիրները կլուծեն փոխհատուցման միջոցով:
«Ընդհանուր 2014-ը կգնահատեի պրոբլեմների հաշվառման և պրոբլեմների լուծման մշակումների փուլ: 2015-2016-ին սպասվում է բարդ ժամանակահատված, որտեղ մենք պետք է անցնենք իրագործման փուլին և ապահովենք տեսանելի արդյունքներ»,-ասաց Սարգսյանը:
