Այս պահին գործադիրի նիստին զուգահեռ «Նաիրիտ» գործարանի աշխատակիցները կրկին բողոքի են դուրս եկել կառավարության շենքի առջև:
Հիշեցնենք, որ նրանք պահանջում են իրենց ավելի քան 18 ամսվա աշխատավարձի պարտքի մարումը: Նրանք երեքշաբթի օրը բողոքի էին դուրս եկել ՀՀ Ազգային ժողովի շենքի առջև, որտեղ նրանց էին հանդիպել ընդդիմադիր պատգամավորներից ոմանք ու ՀՀԿ խմբակցությունից Վարդան Այվազյանը:
Նշենք նաև, որ նաիրիտցիները վերջին անգամ մեկ ամսվա աշխատավարձ ստացել են փետրվարի 20-ին:
