Թուրքական Կոնյա քաղաքում տեղի է ունեցել ընդունելություն, որի ժամանակ ելույթ է ունեցել Թուրքիայի գիտության, արդյունաբերության և տեխնոլոգիաների նախարար Ֆիքրի Իշիքը, ով նշել է իսլամական աշխարհի ներդրումը գիտության մեջ։
«Գալիլեո Գալիլեյից դեռեւս 700-800 տարի առաջ մուսուլման գիտնականներն ապացուցում էին, որ Երկիր մոլորակը կլոր է», — ասել է նախարարը։ Նրա խոսքերով՝ այս պնդման ապացույցը գտնվում է բնագիր փաստաթղթի պատճենում, որը ներկայում Ստամբուլի Իսլամական գիտության և տեխնիկայի թանգարանում է։
Այս թանգարանը բացվել է պրոֆեսոր Ֆուաթ Սենգիզի ջանքերով, ով պնդում է, որ Ամերիկա մայրցամաքը հայտնաբերել են մուսուլմանները Կոլումբոսից 300 տարի առաջ։ Էրդողանի` այս կապակցությամբ հայտարարությունը, հեգնական բազմաթիվ մեկնաբանությունների է արժանացել աշխարհում։
