Հայաստանի հավաքականի ու Մոսկվայի «Սպարտակի» հարձակվող Յուրա Մովսիսյանը կիրակի օրը նոր պայմանագիր է կնքել մոսկովյան ակումբի հետ, որը սպառվում է 2019թ.-ի հունիսի 30-ին: Այս մասին հաղորդում է championat.com-ը:
Հիշեցնենք, որ ավելի վաղ տեղեկություններ էին հայտնվել, թե Մովսիսյանի ծառայություններով հետաքրքրված են նաև գերմանական «Հանովերը», «Վոլֆսբուրգն» ու Մյունխենգլադբախի «Բորուսիան»:
Նշենք, որ 27-ամյա հարձակվողը, ով «Սպարտակ» է տեղափոխվել 2013թ.-ի հունվարին «Կրասնոդարից», այս ընթացքում անցկացրել է 46 հանդիպում՝ դառնալով 23 գոլի հեղինակ:
Transfermarkt.de-ի տվյալներով՝ նրա տրանսֆերային արժեքը կազմում է շուրջ 10 միլիոն եվրո:
