Մոսկվայի քաղաքային դատարանը երեքշաբթի օրինական է ճանաչել հայազգի գործարար Արամ Պետրոսյանի խափանման միջոց կալանքը:
Նրա պաշտպանը միջնորդություն էր ներկայացրել գործարարի խափանման միջոց կալանքը տնային կալանքով փոխարինելու մասին` հաղորդում է Moskva 24 հեռուստաընկերությունը: Հայազգի գործարարին մեղադրում են Մոսկվայի կենտրոնում պատանդ վերցնելու մեջ:
Հիշեցնենք, որ սնանկ գործարար Արամ Պետրոսյանն օգոստոսի 24-ին Մոսկվայի կենտրոնում գտնվող «Սիթիբանկի» մասնաճյուղում պատանդ էր վերցրել 4 մարդու և սպառնացել ինքնաշեն ռումբով պայթեցնել շենքը: Հետագայում Պետրոսյանը պատանդներին ազատ էր արձակել և հանձնվել ոստիկանությանը:
Հարցաքննության ժամանակ նա հայտարարել էր, որ փորձել է իր արարքով ուշադրություն հրավիրել իր սնանկացման խնդրի վրա: Այժմ գործարարին 15 տարվա ազատազրկում է սպառնում:
