Մոսկվա մեկնելուց հրաժարվելու որոշում Օբաման առայժմ չի կայացրել

Ռուսաստանի հարցերով ԱՄՆ նախագահ Բարաք Օբամայի խորհրդական Սելեսթ Ուոլանդերը հայտարարել է, որ Օբաման առայժմ չի հրաժարվել մեկնել Մոսկվա՝ մասնակցելու հայրենական մեծ պատերազմի ավարտի 70-ամյակի տոնակատարություններին։ Այս մասին հաղորդում է TASS գործակալությունը։

Ուոլանդերի խոսքերով՝ նախագահը ներկայում քննարկում է այս հարցը, սակայն որոշման կայացաման ժամկետներ սահմանված չեն։

Հիշեցնենք, որ երեկ որոշ լրատվամիջոցներ հաղորդել էին, որ Օբաման հրաժարվել է մեկնել Մոսկվա՝ մասնակցելու տոնակատարություններին՝ Ուկրաինայի հարցում ստեղծված լարվածության պատճառով։