Ազգային ժողովում շարունակվում են «2014թ-ի պետական բյուջեի կատարման մասին» քննարկումները: ՀՀ ֆինանսների փոխնախարար, գլխավոր գանձապետ Ատոմ Ջանջուղազյանը տեղեկացրեց, որ ՄԻՊ ոլորտին նախորդ տարվա ընթացքում տրամադրվել է 231 մլն դրամի ընդհանուր բյուջե, որը, սակայն , չի կարող բնութագրել ՄԻՊ-ի աշխատանքների որակական մասը:
ՀՀ ԱԺ պատգամավոր Մարգարիտ Եսայանն էլ պարոն Ջանջուղազյանից հետաքրքրվեց, թե վերջին տարիներին ի՞նչ դինամիկա է գրանցվել` ՄԻՊ ոլորտին տրամադրվող միջոցների հետ կապված ու կա՞ արդյոք վիճակագրություն:
Գլխավոր գանձապետն էլ հայտնեց, որ ունի 2013թ-ի տվյալներ, ըստ որոնց, 2014թ-ին ավելի պակաս միջոցներ են հատկացվել նշված ոլորտին: Իսկ թե ինչով է պայմանավորված, գլխավոր գանձապետը դժվարացավ ասել:
