Ուկրաինայի արտգործնախարար Պավել Կլիմկինը հայտարարել է, որ Մինսկի համաձայնագրի կետերը պետք է իրագործվեն մինչև տարեվերջ, հայտնում է RIA Novosti-ն:
«Մեզ միանշանակ օգտակար չէ Մինսկի համաձայնագրի կետերի ձգձգումը, դրանք պետք է ի կատար ածել մինչև այս տարվա վերջ: Ոչ ոքի համար ցանկալի չէ Դոնբասի ժողովրդի չարչարանքների երկարաձգելը», — ասել է նախարարը:
Ավելի վաղ Ֆրանսիայի նախագահ Ֆրանսուա Օլանդը «Նորմանդական քառյակի» հանդիպման ժամանակ հայտարարել էր, որ Մինսկի համաձայնագրի կետերի իրագործումը կարող է չավարտվել մինչև տարեվերջ:
