Երևանի «Միկան» այսուհետ տնային հանդիպումներն անցկացնելու է ֆինանսների նախարարության «Միկա» մարզադաշտում:
Ինչպես armsport.am-ը տեղեկացավ երևանյան ակումբի մամուլի ծառայությունից, «Միկա» մարզադաշտի խոտածածկը գտնվում է լավ վիճակում: Սերգեյ Յուրանի թիմը խաղադաշտում մարզում չի անցկացրել, որպեսզի պահպանի խոտածածկի լավ որակը:
Նշենք, որ «Միկան» առաջիկա տնային հանդիպումը կանցկացնի մարտի 16-ին. Հայաստանի Գավաթի խաղարկության կիսաեզրափակչի շրջանակում կընդունի «Գանձասար Կապանին»:
Հիշեցնենք, որ Հայաստանի առաջնության գարնանային հատվածի առաջին խաղում «Միկան» տնային հանդիպումն անցկացրեց Աշտարակի «Քասախի մարզիկ» մարզադաշտում:
