Սիրիայի հարցով ՄԱԿ-ի գլխավոր քարտուղարի հատուկ ներկայացուցիչ Ստեֆան դե Միստուրան Corriere della sera-ին տված հարցազրույցում հայտնել է, որ միջսիրիական բանակցությունների մասնակիցները պատրաստ չեն զիջումների:
«Նախևառաջ, կողմերից ոչ մեկը պատրաստ չէ նվազագույն զիջումների: Երկրորդը, ոչ ոք առարկայական չսկսեց խոսել, և մենք կանգ առանք գործընթացային կազմակերպչական հարցերի վրա: Եվ, վերջապես, ոչ կառավարությունը, ոչ ընդդիմությունը պաշարված քաղաքներին մարդասիրական օգնություն ցուցաբերելուն չխանգարելու պատրաստակամություն չեն հայտնել»,- ասել է դե Միստուրան:
