Hetq.am-ը գրում է.
Ազգային ժողովի նախկին պատգամավոր Միհրան Պողոսյանը ուշացումով՝ հուլիսի 22-ին, բարձրաստիճան պաշտոնատար անձանց էթիկայի հանձնաժողով է ներկայացրել 2018թ. տարեկան և պաշտոնը դադարեցնելու հայտարարագրերը: Օրենքով սահմանված վերջնաժամկետը մայիսի 31-ն էր:
Միհրան Պողոսյանը 2018-ին 581 մլն 400 հազար դրամով վաճառել է իր հասարակական նշանակության շինություններից մեկը և 5 մլն դրամով օտարել արտադրական նշանակության շինությունը: Փոխարենը մոտ 21 մլն դրամով ձեռք է բերել հողամաս, իսկ 13 մլն դրամով RANGE ROVER Supercharged 5.0 VOGUE մակնիշի ավտոմեքենա:
Նախկին պաշտոնյայի պաշտոնական պարտականությունները դադարեցնելու օրվա՝ 2019թ. հունվարի 14-ի դրությամբ, որպես եկամուտ հայտարարագրել է մոտ 115 հազար դրամ, իսկ ունեցած դրամական միջոցը կազմել է 598 մլն դրամ և 152 հազար դոլար:
Նշված օրվա դրությամբ ունեցել է 2 անհատական բնակելի տուն, 9 հասարակական նշանակության շինություն, մեկ ավտոտնակ և հողամաս: Իսկ որպես շարժական գույք հայտարարագրել է նախորդ տարի 13 մլն դրամով գնած RANGE ROVER Supercharged 5.0 VOGUE մակնիշի ավտոմեքենան:
Հիշեցնենք, որ Միհրան Պողոսյանը մեղադրվում է առանձնապես խոշոր չափերով գույք յուրացնելու, պաշտոնեական լիազորությունները չարաշահելու մեջ, տևական ժամանակ գտնվել է հետախուզման մեջ, ապա հայտնաբերվել ՌԴ-ում:
Մանրամասն՝ սկզբնաղբյուրում
