Մի քանի ցուցանիշներ՝ Հայաստանի ներմուծման վիճակագրությունից

Մաքսային ծառայությունը հրապարակել է 2015թ.-ի արտաքին առևտրի մանրամասն ցուցանիշները՝  ըստ ապրանքախմբերի և ըստ երկիր-ապրանք կտրվածքի: Ներկայացնենք մի քանի կարևոր թվեր ներմուծման հետ կապված:

• Հայաստան ներմուծվող 10 ամենամեծ մաքսային արժեք ունեցող ապրանքներն են՝

1. Բնական և հեղուկ գազ — 514,3 մլն. դոլար,
2. Նավթ և նավթամթերք-213,4 մլն. դոլար,
3. Մարդատար ավտոմեքենա-133,4 մլն. դոլար,
4. Դեղամիջոցներ-92,3 մլն. դոլար,
5. Ադամանդ-87,1 մլն. դոլար,
6. Ցորեն-76,1 մլն. դոլար,
7. Անմշակ ալյումին-59,1 մլն. դոլար,
8. Բջջային ցանցի ևայլ  կապի ապարատներ, հեռախոսներ-47,1 մլն. դոլար
9. Ծխախոտի հումք-42,5 մլն. դոլար,
10. Սիգարներ, սիգարետներ-39 մլն. դոլար:

• Հայաստան  ներմուծվող 10 ամենամեծ մաքսային արժեք ունեցող  ապրանքների արժեքը միասին կազմել է 1,3  մլրդ. դոլար, որը կազմել է ամբողջ  ներմուծման   40%-ը: Հիշեցնենք, որ ներմուծման ծավալը ըստ  ԱՎԾ—ի  կազմել է  3, 25 մլրդ. դոլար, իսկ բացասական սալդոն կազմել է 1,76 մլրդ. դոլար։  Ներմուծման ծավալները  նախորդ տարվա համեմատ  նվազել են 1 մլրդ. 170 մլն. դոլարով կամ 26,5%-ով:

• Ամենամեծ չափով  կրճատվել են ներմուծվող հետևյալ ապրանքների ծավալները՝  մարդատար ավտոմեքենաներ- 146 մլն. դոլարով,  նավթ և նավթաթերք-  109 մլն. դոլարով,  ադամանդ- 61 մլն. դոլարով, ցորեն- 23,7  մլն. դոլարով, էթիլային սպիրտ-13 մլն. դոլարով, սիգարներ-5,6 մլն. դոլար և այլն:

• Մի փոքր աճ են գրանցել նախորդող տարվա համեմատ բնական և հեղուկ գազի -15 մլն. դոլար,  ծխախոտի հումքի-4,3 մլն. դոլար  և անմշակ ալյումինի -1,5 մլն դոլար ներմուծման ծավալները: 

• Ամենամեծ մաքսային արժեքով ապրանքներ ներմուծվել են հետևյալ 10 երկրներից՝

1. Ռուսաստան – 1 մլրդ. 81 մլն. դոլար կամ ամբողջ ներմուծման  մոտ 33%-ը,

2. Չինաստան-  310,8 մլն. դոլար կամ ամբողջ ներմուծման  9,5 %-ը,

3. Գերմանիա  -200,7 մլն. դոլար կամ 6,2 %-ը,

4. Իրան-   198,5 մլն. դոլար կամ 6,1 %-ը,

5. Իտալիա-147,8 մլն. դոլար կամ 4,6%-ը,

6.Թուրքիա- 136,9 մլն. դոլար  կամ 4,2%,

7.Ուկրաինա — 124,7 մլն. դոլար կամ 3,8 %-ը,

8. ԱՄՆ-107,4 մլն. դոլար կամ 3,3%-ը,

9.Վրաստան — 95,1 մլն. դոլար կամ 2,6 %-ը,

10.Ֆրանսիա- 64,4 մլն դոլար կամ 2%-ը:

• Այս 10 երկրները միասին ապահովել են Հայաստան ներմուծման ծավալների մոտ 74 %-ը:

• Այս երկրներից ներմուծվող ամենամեծ մաքսային արժեք ունեցող ապրանքը եղել է՝

1.Ռուսաստան – բնական գազը՝  426,2 մլն. դոլար,

2.Չինաստան-  բջջային ցանցի և այլ կապի ապարատներ, հեռախոսներ՝  28,8 մլն. դոլար,

3. Գերմանիա-մարդատար ավտոմեքենա՝  49,1 մլն. դոլար,

4. Իրան- բնական գազ՝   69,1 մլն. դոլար,

5. Իտալիա- գործվածքներ սինթետիկ թելից՝   8,8 մլն. դոլար,

6.Թուրքիա- լվացող և մաքրող միջոցներ՝ 6,7 մլն. դոլար,

7.Ուկրաինա –սիգարներ, սիգարետներ՝  21,5 մլն. դոլար,

8.ԱՄՆ- մարդատար ավտոմեքենաներ -10,6 մլն. դոլար,

9.Վրաստան – բնական և հեղուկ գազ՝ 18,9 մլն. դոլար,

10.Ֆրանսիա- դեղամիջոցներ՝ 10,3 մլն. դոլար:

• Ըստ ԱՎԾ-ի վերը  նշված  գործընկեր երկրներից   ներմուծումը  2015 թ.-ին  նվազել է՝ Ռուսաստանից 15,6 %-ով,  Չինաստանից  24,2%-ով,  Գերմանիայից  28,7%-ով, Իրանից 3,9%-ով,  Իտալիայից 17,4%-ով, Թուրքիայից  41%-ով,   Ուկրաինայից  39,2%-ով, ԱՄՆ-ից  18,5%-ով, Վրաստանից  7,1%-ով, Ֆրանսիայից 18,4%-ով: