«Բարսելոնայի» և Արգենտինայի հավաքականի հարձակվող Լիոնել Մեսսին, որը «Լաս Պալմասի» հետ Իսպանիայի առաջնության 6-դ տուրում ոտքն էր վնասել, կարող է նոյեմբերի 21-ին մասնակցել «Սանտիագո Բերնաբեու» մարզադաշտում կայանալիք «Ռեալի» հետ հանդիպմանը, փոխանցում է El Mundo Deportivo-ն:
Նախկինում հաղորդվել էր, որ Մեսսին կարող է մի քանի ամիս զրկվել խաղային պրակտիկայից, սակայն երեկ բժիշկները հուսադրող ախտորոշում են տվել. նա կապաքինվի մոտ 8 շաբաթից:
Այս տեղեկությունը հաստատել է նաև Արգենտինայի հավաքականի բժիշկ Դոնատո Վիլանին:
