Երեկ տհաճ միջադեպ է արձանագրվել «Վալենսիա» — «Բարսելոնա» խաղի ժամանակ։ Կատալոնացիների կիսապաշտպան Սերխիո Բուսկետսի խփած գոլը նշելու ժամանակ տրիբունաներից շիշ է նետվել խաղացողների ուղղությամբ։ Այն դիպել է Մեսսիի գլխին։
Դա վրիպել է մրցավարների աչքից։ Մեսսին նույնիսկ դեղին քարտ է ստացել՝ փորձելով հրավիրել մրցավարների ուշադրությունը։
«Վալենսիան» ներողություն է խնդրել այդ միջադեպի համար։ Խոստացվել է, որ շիշը նետած երկրպագուն ցմահ կզրկվի «Վալենսիայի» մարզադաշտ այցելելու իրավունքից։
