Էստոնիան, Լատվիան ու Լիտվան իրենց արևելյան սահմանների երկայնքով արգելապատնեշներ կկառուցեն և կուժեղացնեն անձնագրային հսկողությունը:
Ինչպես հաղորդում է Reuters-ը, Բալթյան երկրները նման քայլերի կգնան դեպի Եվրամիություն փախստականների «բալկանյան երթուղու» փակումից հետո իրենց սահմաններով վերջիններիս հնարավոր ներթափանցումը կանխելու համար:
Բալթյան երկրները, մասնավորապես, մտավախություն ունեն, որ իրենց տարածք հազարավոր փախստականներ կարող են ներթափանցել Ռուսաստանից ու Բելառուսից: Այդ մտավախություններն ի հայտ են եկել Ռուսաստանից դեպի Ֆինլանդիա ու Նորվեգիա փախստականների հոսքից հետո:
