Երեւանում այսօր տեղի է ունեցել երթ ՝ ի պաշտպանություն Թուրքիայի խորհրդարանի հայ պատգամավոր Կարո Փայլանի:
Տասնյակ քաղաքացիներ շարժվեցին դեպի ՄԱԿ-ի հայաստանյան գրասենյակ՝ նամակ հանձնելու եւ պահանջելու, որպեսզի Թուրքիայի խորհրդարանում Փայլանի դեմ իրականացված հարձակման դեպքն անուշադրության չմատնվի:
Մասնակիցները նամակը հանձնել են անվտանգության ղեկավարին՝ ենթադրելով, թե նա համապատասխան վարչության աշխատակիցներից է:
Հիշեցնենք, որ Թուրքիայի Ազգային մեծ ժողովում ելույթ ունենալով` «Ազգերի ժողովրդավարություն» կուսակցության ներկայացուցիչ, Թուրքիայի խորհրդարանի անդամ Կարո Փայլանն ապրիլի 21-ին առաջարկել էր հանձնաժողով կազմել 1915-ին հայ քաղաքական գործիչների սպանությունները հետաքննելու համար:Այդ ելույթից հետո հայ պատգամավորը ծեծի էր ենթարկվել ու հայտարարել, որ իշխող «Արդարություն և զարգացում» կուսակցության ներկայացուցիչները կանխամտածված էին իրեն թիրախ ընտրել։
