Այս պահին ՀՀ կառավարության շենքի դիմաց տեղի է ունենում ակցիաˋ ի պաշտպանություն ծեծի ենթարկված Արտակ Խաչատրյանի: Կառավարության բակում ձեռներեցներին են միացել նաև ԲՀԿ, ՀԱԿ և «Ժառանգություն» կուսակցության անդամներ և մի շարք այլ պաշտոնավոր անձինք: Բողոքի ակցիան կրում է «Մենք բոլորս Արտակ ենք» անվանումը:
Ակցիայի մասնակիցնեը պատկան մարմիններից պահանջում են ժամ առաջ բացահայտել կատարված հանցագործությունը:
«Արտակը մշատպես եղել է ակտիվ իր հասարակական գործունեության մեջ: ԲՀԿ-ն իր պահանջները ուղղել է քաղաքական իշխանություններին: Նրանց ապահով Հայաստանը գանգստերական Հայաստանի է վերածվում: Սա ասելով, ես նկատի ունեմ նաև վերջին ամիսներին տեղի ունեցած բռնարար արարքները, երբ խնդիրները լուծելու փոխարեն առևանգում և ծեծեի են ենթարկում մարդկանց»,-նշեց ակցիային միացած ԲՀԿ պատգամավոր Նաիրա Զոհրաբյանը:
Վերջին ընգդծեց, որ սեղմ ժամկետներում հանցագործություն կատարողները կբացահայտվեն, այլապես այս միջադեպին բազմաթիվ հրաժարականներ կհաջորդեն:
Վարդուհի Ստեփանյան
