Այս տարվա սեպտեմբերին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 481.1դրամ, ինչը գերազանցել է 2014թ. սեպտեմբերի համապատասխան ցուցանիշը 17.7 տոկոսով (408.8 դրամ):
Ինչպես Արմենպրեսը տեղեկացավ ՀՀ Ազգային վիճակագրական ծառայությունից, 2015թ. սեպտեմբերին 2014թ. դեկտեմբերի համեմատ սպառողական գների ընդհանուր մակարդակը նվազել է 2 տոկոսով, իսկ հաշվարկային փոխարժեքն աճել է 3.8 տոկոսով: Նախորդ տարվա նույն ժամանակահատվածում սպառողական գների 0.8 տոկոս նվազումն ուղեկցվել է հաշվարկային փոխարժեքի 0.9 տոկոս հավելաճով:
Այս տարվա սեպտեմբերին օգոստոսի համեմատ սպառողական և արտարժույթի շուկաներում արձանագրվել է գների և ԱՄՆ դոլարի նկատմամբ հայկական դրամի հաշվարկային փոխարժեքի, համապատասխանաբար, 0.1 տոկոս և 0.3 տոկոս հավելաճ (ԱՄՆ դոլարն արժևորվել է):
