Մայքլ Ջեքսոնի դուստրը՝ Փերիս Ջեքսոնը, պաշտպանել է հորը` որպես զրպարտանք որակելով համաշխարհային մամուլում տարածված տեղեկությունները փոփ աստղի մանկապիղծ լինելու մասին:
ԶԼՄ-ներին հասանելի են դարձել ոստիկանության որոշ փաստաթղթեր, որոնց համաձայն՝ Մայքլ Ջեքսոնը, ով ժամանակին մեղադրվել է մանկապղծության մեջ, իր տանը մանկական պոռնոգրաֆիա պարունակող լուսանկարներ և տեսաերիզներ է ունեցել:
Այդ ամենը ոստիկանությունը հայտնաբերել էր 2003 թ.՝ երգչի տանը կատարված խուզարկության ժամանակ, երբ Ջեքսոնի դեմ դատական հայց էր հարուցվել մանկապղծության մեղադրանքով:
«Ցավոք, բացասականը միշտ ավելի գրավիչ է: Կոչ եմ անում արհամարհել այդ աղբը և այն բոլոր մակաբույծներին, ովքեր կարիերա են ստեղծում հորս զրպարտելու միջոցով»,- գրել է Ջեքսոնի դուստրը Twitter-ի իր էջում:
