Մավրիտանիայի բնակիչը մահապատժի է դատապարտվել հավատուրացության համար: Սա 1960թ.-ին երկրի անկախությունից հետո առաջին նման որոշումն է: Այս մասին հայտնում է BBC-ին:
Շեյխ Մոհամեդը ոչ մեծ ակնարկ է գրել, որը տեղադրվել է մավրիտանական մի քանի կայքերում և երկրի իշխանությունների կողմից որակվել է իբրև մարգարեի հասցեին ուղղված վիրավորանք:
Տողերի հեղինակն իրեն մեղավոր չի ճանաչել և, ինչպես նշվում է, մահվան դատավճռի հրապարակման պահին ուշագնաց է եղել:
Մավրիտանիայում գործում են շարիաթի օրենքները, սակայն դաժան պատիժներ գրեթե չեն նշանակվում: Մահապատիժները 1987թ.-ից հետո ուղղակի չեն իրականացվում:
