ՀՀ 2015թ. պետական բյուջեի կատարման հաշվետվության քննարկման ընթացքում ՀՀ ԱԺ պատգամավոր Էդմոն Մարուքյանը կառավարության աշխատակազմի ղեկավար- նախարար Դավիթ Հարությունյանից հետաքրքրվեց, թե որքանով են արդյունավետ աշխատում այն ընկերությունները, որոնք ուսումնասիրում են կառավարության աշխատանքի արդյունավետությունը:
«Այդ ուսումնասիրության արդյունքները թափանցի՞կ են, կարող ենք ծանոթանալ, ի՞նչ նպատակով է դա արված: Այսինքն` եթե այդ ուսումնասիրությունները ցույց են տալիս, որ կառավարությունն անարդյունավետ է գործում, ի՞նչ եք անում: Իսկ եթե գովում, ասում են` շատ լավ եք աշխատում, արդյոք դա օբյեկտի՞վ ուսումնասիրություն է»,- հետաքրքրվեց Էդմոն Մարուքյանը:
ՀՀ կառավարության ղեկավար-նախարարն ի պատասխան ասաց` «նմանատիպ հոռետեսական մոտեցմամբ կարեի լէ մոտենալ ցանկացած հետազոտության»:
«Այդ հետազոտությունները հրապարակային են, կառավարության կայքում դրանք զետեղված են: Այդտեղ տարբեր հարցեն են, օրինակ` ինչպես է ժողովուրդը գնահատում այս կամ այն նախարարության աշխատանքը, տարբեր ոլորտներում աշխատանքը, որ մարզերում, որ խնդիրներն են համարվում առաջնային: Շատ հաճախ կադրային որոշումներ ընդունելիս վարչապետը հաշվի է առնում նաեւ համապատասխանն ոլորտի աշխատանքները»,- արձագանքեց նախարարը` հորդորելով պատգամավորին ուսունասիրել արված հետազոտության արդյունքները:
Առավել մանրամասն` տեսանյութում:
