Անցյալում հանրահայտ ֆուտբոլիստ Դիեգո Մարադոնան կմասնակցի ՖԻՖԱ-ի նախագահի ընտրություններին: Այս մասին հաղորդում է BBC-ն` հղում կատարելով ուրուգվայցի հանրահայտ լրագրող Վիկտոր Մորալեսին:
«Դիեգոն փոփոխություններ է ցանկանում, նա որոշել է պայքարել ՖԻՖԱ-ում կոռուպցիայի դեմ և կդառնա նախագահի թեկնածու: Մարադոնան նախընտրել է չմասնակցել ՖԻՖԱ-ի շուրջ հակամարտությանը, այլ ինքնուրույն պայքարել: Նա մեծ վարկանիշ ունի», — ասել է Մորալեսը:
Հիշեցնենք, որ վերընտրվելուց 3 օր անց ՖԻՖԱ-ի նախագահ Զեպ Բլատերը հրաժարական է տվել, ինչը կապված է ՖԻՖԱ-ում կոռուպցիոն սկանդալի հետ:
