Քոչարյանի խափանման միջոցի հարցը քննող դատավորը գնացել է խորհրդակցական սենյակ՝ քննարկելու իր ինքնաբացարկի մասին դատախազների ներկայացրած միջնորդությունը, և այդ հիմքով դատական նիստը հետաձգվել է: Այս մասին լրագրողների հետ զրույցում հայտարարեց Քոչարյանի փաստաբաններից Հայկ Ալումյանը:
Ալումյանը նշեց, որ վաղը՝ հունվարի 10-ին, դատարանը կա՛մ կհայտարարի իր ինքնաբացարկի մասին և գործի քննությունը կփոխանցվի այլ դատավորի, կա՛մ արդեն դրա հաջորդ օրը նույն դատավորը կշարունակի քննել միջնորդությունը:
Ինքնաբացարկի համար հիմք է հանդիսացել այն, որ դատավորը նույն գործով մեկ այլ մեղադրյալի մասով քննությունն իրականացնելուց հրաժարվել է՝ ներգրավված մեղադրյալի հետ մտերիմ հարաբերություններ ունենալու պատճառաբանությամբ:
