Անգլիական «Մանչեսթեր Յունայթեդը» կարող է հրաժարվել Մադրիդի «Ռեալի» հարձակվող Կրիշտիանու Ռոնալդուին ձեռք բերելու գաղափարից: Այս մասին հաղորդում է բրիտանական Daily Star-ը:
Հաղորդվում է, որ այդ որոշման պատճառը հավանաբար 29-ամյա պորտուգալացու չափազանց բարձր տրանսֆերային արժեք է, ինչպես նաև թիմի մյուս «թանկարժեք» ֆուտբոլիստների՝ Ուեյն Ռունիի, Անխել դի Մարիայի, Ռադամել Ֆալկաոյի ու Ռոբին վան Պերսիի հնարավոր դժգոհությունը:
Նշենք, որ ավելի վաղ մարզական ԶԼՄ-ները լուրեր էին տարածել, թե «Մանչեսթեր Յունայթեդում» աշխարհի գործող լավագույն ֆուտբոլիստը կարող է ստանալ շաբաթական 500 հազար ֆունտ:
Հիշեցնենք, որ «կարմիր սատանաները» Ռոնալդուին վաճառել էին 2009թ.-ին: Նրա տրանսֆերի դիմաց «սերուցքայինները» 94 միլիոն եվրո են վճարել:
