Ադրբեջանի արտգործնախարար Էլմար Մամեդյարովը և եվրոպական հարցերով Ֆրանսիայի պետքարտուղար Արլեմ Դեզիրը Փարիզում քննարկել են Լեռնային Ղարաբաղի հակամարտության բանակցային գործընթացը լիարժեք վերականգնելու համար անհրաժեշտ հետագա քայլերը, haqqin.az-ի փոխանցմամբ` հայտարարել է Ադրբեջանի ԱԳՆ մամուլի ծառայությունը:
Մամեդյարովն ու Դեզիրը կարծիքներ են փոխանակել Վիեննայում բարձր մակարդակով տեղի ունեցած հանդիպման արդյունքների վերաբերյալ: Նրանք ընդգծել են հակամարտության քաղաքական կարգավորման համար բանակցային գործընթացի վերսկսման կարևորությունը:
Կողմերը նաև քննարրկել են Ադրբեջանի ու Եվրամիության համագործակցության վերաբերյալ հարցեր: Նշվում է, որ Ֆրանսիան խոստացել է աջակցել Ադրբեջանին այդ հարաբերություններն ամրապնդելու հարցում:
