Ադրբեջանի ԱԳ նախարար Էլմար Մամեդյարովը նախօրեին Նյու Յորքում հանդիպել է ԵԱՀԿ Մինսկի խմբի համանախագահներ Իգոր Պոպովի, Ջեյմս Ուորլիքի և Պյեր Անդրիուի հետ: Այս մասին հաղորդում է Trend գործակալությունը` հղում կատարելով Ադրբեջանի արտաքին գործերի նախարարությանը:
Հանդիպմանը, որի ժամանակ քննարկվել է ղարաբաղյան հակամարտության խաղաղ կարգավորումը, ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը:
Հիշեցնենք, որ ՄԱԿ-ի գլխավոր ասամբլեայի 70-րդ նստաշրջանին մասնակցելու համար Նյու Յորք մեկնած ՀՀ արտգործնախարար Էդվարդ Նալբանդյանը նույնպես հանդիպել է համանախագահներին: Սպասվում է երկու արտգործնախարարների հանդիպումը:
