Ինչպես ավելի վաղ տեղեկացրել էինք «Ոչ թալանին» նախաձեռնության համակարգող խմբի անդամ Մաքսիմ Սարգսյանի հարազատները վաղ առավոտից փորձում են պարզել, թե ոստիկանական որ բաժանմունքում է գտնվում Մաքսիմը:
Մեզ հետ զրույցում «Ոչ Թալանին» համակարգող խմբի ղեկավարներից Արտուշ Չիբուխչյանը նշեց, որ Մաքսիմը տեղափոխվել է Մասիս քաղաք: Մեր այն հարցին, թե ինչո՞ւ հենց Մասիսի բաժանմունք, մեր զրուցակիցը նկատեց, որ հավանաբար ռեսուրսների խնդիր է եղել, և Երևանում բոլորին չեն կարողացել տեղավորել:
Ինչ վերաբերում է Մաքսիմի առողջական վիճակին, ապա Չիբուխչյանը նշեց, որ ոստիկանական բաժանմունքից իրենց հաղորդել են, որ Մաքսիմն առողջական խնդիր չունի:
