Սիրիայի Հալեպի շրջանում իրավիճակն աղետալի է` կապված Հալեպի հիվանդանոցի գիշերային ավիահարվածների պատճառով, ինչը կարող է արգելափակել մարդասիրական օգնություն հասցնելը, Gazeta.ru-ի փոխանցմամբ` հայտարարել է Սիրիայում ՄԱԿ-ի հատուկ բանագնացի խորհրդական Յան Էգելանը:
«Չեմ կարող խոսքերով արտահայտել, թե որքան մեծ են ռիսկերը առաջիկա ժամերի և օրերի ընթացքում»,- ասել է ՄԱԿ-ի պաշտոնյան` հավելելով, որ իրավիճակը չափազանց լուրջ է: Նա նկատել է, որ 35 շրջան շրջափակված է և դժվար հասանելի: Ավելի վաղ հայտնի էր դարձել, որ Սիրիայում հիվանդանոցի դեմ ուղղված ավիահարվածներից զոհվել է 27 մարդ:
