Սիրիական ավիաբազայի ուղղությամբ ԱՄՆ-ի իրականացրած ավիահարվածի կապակցությամբ այսօր ՄԱԿ-ի Անվտանգության խորհուրդն արտահերթ նիստ կանցկացնի։ Այս մասին հայտնում է Корреспондент-ը։
Նիստը կմեկնարկի Նյու Յորքի ժամանակով 11:30-ին և բաց կանցկացվի:
Հիշեցնենք, որ Միացյալ Նահանգներն ապրիլի 6-ի երեկոյան թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային: Այս գործողությունն իրականացվել է որպես պատասխան օրեր առաջ սիրիական Իդլիբ նահանգում տեղի ունեցած քիմիական հարձակման, որի ժամանակ տասնյակ մարդիկ են զոհվել:
