Միավորված ազգերի կազմակերպության օդերևութաբանական գործակալությունը հաստատել է, որ 2014 թվականը դարձել է ամենաշոգ տարին օդերևութաբանական հետազոտությունների ամբողջ ընթացքում: Այս մասին հաղորդում է France Presse գործակալությունը:
Գործակալության տվյալներով` գլոբալ ջերմաստիճանը 0,57 աստիճանով բարձր է եղել միջին տարեկան 14 աստիճանից: «15 ամենաշոգ տարիներից 14-ը եղել են այս դարում, — ասել է գործակալության ղեկավար Միշել ժարոն:
