Բելառուսի նախագահ Ալեքսանդր Լուկաշենկոն ապրիլ ամսին նախատեսել է այցելել Վրաստան, ուր հանդիպելու է իր վրաց գործընկերոջ հետ: Այս մասին հայտարարել է Բելառուսի գյուղատնտեսության նախարար Լեոնիդ Զայացը: Հաղորդում է RIA-Novosti գործակալությունը:
«Խորհրդանշական իրադարձությունը տեղի է ունենալու ապերիլ ամսին, երբ Վրաստանում կկայանա երկու պետությունների ղեկավարների հանդիպումը»,- ասել է նախարարը վրաց-բելառուսական տնտեսական համագործակցության միջկառավարական հանձնաժողովի նիստի ժամանակ:
Զայացը կոչ է արել ակտիվացնել երկկողմանի փոխգործակցությունը, ինչպես նաև բարձրացնել այդ փոխգործակցության մակարդակը, քանի որ ներկայում այն չի կարող գոհացնել կողմերից և ոչ մեկին:
